badal tu kyun ro raha itna

Aye badal tu kyun ro raha hai itna

duniya mein diljale aur bhi hain
sirf tera hi nahi toota hai pyara sapna

kabhi meri nam aankhon mein bhi jhaank ke dekh
teri barsaat se mere aasu hai jyada kitna

agar suraj ne tujhe bebas kiya hai rone ko
mat bhul kabhi begane hi dard samjhte hain apna

tere rone se pahle kaale baadlon ke saaye mein
sabko lagta hai mausam bada suhana

teri in aasuon se duniya wale khush hote hain
koi nahi samjh payega tere rooh mein dard hai kitna

tu yoon na roya kar, majboot kar apne dil ko
har aashiq ko mohabbat ki aag mein padta hai tapna

ye badal tu kyun ro raha hai itna

ilzaam

Yoon tu humpe sharabi hone ka ilzaam na laga
mera nashe mein hona tere madhosh aankhon ka kasoor hai

bhale hi hum kitne haseenao ke saath ghum le
dil ko teri kami ka ehsaas zaroor hai

kitna bhi samjhaye hum apne zazbaat ko
dil pe chaya sirf tera hi suroor hai

tu jo apne ko duniya ki apsara samjhti hai
kaisa ajeeb  ye tera guroor hai

hum lakh chah ke bhi nahi kar sakte kisi aur se pyar
mera pagal dil bahut hi majboor hai

bin tere hum kaise ji payenge zindgi
manzil abhi bahut hi door hai

bhatak na jaye hum kahin virane safar mein
in andhere raaston pe sirf tera hi ek noor hai

dil pukarta hai tujhe chale aao ab to
kyun tu ab bhi apne ghamand mein choor hai

Yoon tu humpe sharabi hone ka ilzaam na laga

Dil aakhir tu kyun rota hai

Jab jab dard ka badal chaya

jab gam ka saaya lahraya

jab aasu palkon tak aaya

jab ye tanha dil ghabraya

humne dil ko ye samjhaya

dil aakhir tu kyun rota hai

duniya mein yoon hi hota hai

ye jo gahre sannate hain

waqt ne sabko hi baatein hain

thoda gam hai sabka kissa

thodi dhoop hai sabka hissa

aankh teri bekar hi nam hai

har pal ek naya mausam hai

kyun tu aise pal khota hai

dil aakhir tu kyun rota hai

Zinda ho tum

Dilo mein tum apni betaabiyan le ke chal rahe ho to jinda ho tum

nazar mein  khwabon ki bijliyan le ke chal rahe ho to jinda ho tum

hawa ke jhonkon jaise azaad rehna seekho 

tum ek dariya ke jaise lahron mein behna seekho

har ek lamhe se tum milo khole apni baahein

har ek pal ek naya sama dekhe ye nigahein 

jo apni aankhon mein hairaniyan le ke chal rahe ho to jinda ho tum

dilo mein tum apni betabiyan leke chal rahe ho to jinda ho tum

alfaz

Zubaan hi sirf ek zaria nahi

Jo aap lafzon ko samajh paayenge

kabhi aankhon mein jhaank kar dekhiye

Hazaro alfaz khud-ba-khud bikhar jayenge

Teri nazar

In nazron se yoon na madhosh karo hume

bahut thokre humne khayi hai sanam

Ab dil humara dhadhkne se bhi darta hai

aur na barsao humpe julm-e-sitam

Chemistry

Na chemistry hoti na main student hota

na ye LAB hoti na ye accident hota

abhi practical mein aaye nazar 1 ladki

sundar thi naak uski test tube jaisy

baaton mein uski glucose ki mithaas thi

saason mein ester ki khushboo bhi saath thi

aankhon se jhalkta tha kuch is tarah ka pyaar

bin piye hi ho jata tha alcohol ka khumar

benzene se hota tha uske presence ka ehsaas

andhere mein hota tha radium ka aabhas

nazrein mili, reaction hua

kuch iss tarah pyaar ka production hua

lagne lage uske ghar ke chakkar aise

nucleus ke chaaro taraf electron ho jaise

us din humare test ka confirmation hua

jab us ke daddy se humara introduction hua

sun kar humari baat wo aise uchal pade

ignesium tube mein jaise sodium bhadak utha

wo bole, hosh mein aao,pehchano apni aukaat

Iron mil nahi sakta kabhi Gold ke saath

ye sunke toota humara armano bhara beaker

aur hum chup rahe benzaldehyde ka kadwa ghoont pikar

ab uski yadon ke siwa humara kaam chalta na tha

aur lab mein humare dil ke alawa kuch jalta na tha

Tere naam

Barso baad tera naam labon pe yoon aaya

                                               raat bhar aankh band rahi par neend na aaya

                                                        zindgi to jee lenge bin tere bhi

                 kya hua jo tera patthardil mera ho na paya 

Aaina

Aiane mein kya dekhti ho sanam

har kisi ki aankhon mein aapki hi tasveer hai

foote the humare karam

ki aapke baap ke hath mein meri takdeer hai

Kaash

Kaash aankhen na hoti humari

toh kabhi unka deedar na hota

chand mein agar daag na hota

to unki khubsoorti pe wo jal na raha hota

kaash humara dil ye jaan leta

pyaar se jeena dushwar hai hota

to aasuon ka humara yoon sailab na bhara hota

Tere bina

Iss dil ko kisi ki aahat ki aas rehti hai

nigahon ko kisi soorat ki pyaas rehti hai

tere bina zindgi mein kami toh nahi

phir bhi tere bina zindgi udaas rehti hai

Dastaan

         Apni daastan kya bayan karoo main

  Ab to kishti doobne ko hai bas

Maa ke aanchal mein khela karte the

Ghar ka ladla ban ithlaya firte the

Padai ke chakkar ne beghar kar diya hume

Jab sirf 10 saal ke hua karte the

Maa ke hath ka khana aur papa ke kandhon se vanchit

Rote-rote humare saam guzra karte the

Jab pyaare doston se hua saamna

Kabhi mallika to kabhi Katrina sapno mein aaya karte the

Raat raat bhar wo ghumna shumna, rules todna

Suspend hona, ladkiyon pe comments karna

Humari shaan hitler ki tarah badaya karte the

Jab dreamgirl se hua saamna

Raaton ki neend aksar bhul jaaya karte the

Hum to unke ishq mein takiye bheegote the

Aur kaminey dost hume yoon hi badnaam kiya karte the

Khair wo hume mil na sake aur na hi mila IIT

Bhale hi Kota mein din raat 1 kiya karte the

College mein mili Pandavon ki 1 mast toli

Jiske arjun hum hua karte the

Sare gam bhul jaate zindgi ke

Jab 1 saath table pe baitha karte the

Humlog to shaitani nai karte fir bhi

Director baat baat pe stipend kaata karte the

Fir 1 bar us haseena se hua saamna

Izhaar ke jawab mein wo dil ke tukdo se kabbadi khela karte the

Unko bhulane ki koshish mein

Har ladki ko aankh mara karte the

Bahut ko ghumaya , kuch ko humane chora,hume kuch ne chora

Kyunki har raat us patthardil ki tasveer aankhon mein aaya karte the

Saasein chalti thi humari, unke dhadkano pe

Fir bhi jhooti muskaan ke aage mere aasu Sharma jaya karte the

Career ki bhi waat lag gayi

Subah hote hi sunhare sapne toot jaya karte the

Leta hoon maut ki shaiyya pe, ab to awaj bhi nai nikalti

Kabhi hum bahut bola karte the

Apni daastan kya bayan karoon main

Ab to kishti doobne ko hai bas..

dil ka haal

Patharon ko dil ka haal sunane chala hoona

ruthi hui kismat ko manane chala hoon

wo bewafa na the, main badnaseeb tha

ye baat zamane ko batane chala hoon

sawan ki ghataon tum kal umadna

aaj to main aansu bahane chala hoon

Aksar

Aksar log puchte hain- Aakhir tu single hai kyun?

langoor ke hath mein bhi angoor hote hain

tere aankh mein aasu hai kyun??

 kya bataun dost-

Dil ke tukdo ko kisi se judwane ki kai bar koshish KI

par har bar jise patane chalo, use tukdo se tasveer dikh jati hai unKI

lakh samjhao, nahi, tum hi ho mere khwabon ki mallika

to kehti hain- kaminey tu nikla bahut bada tharKI

nikal le, warna police ko bulaungi

main kya, police ke naam se to fatti hai sabKI

ab to lagta hai, ta-umra hum rahenge single

soorat bhi na dekh payenge apne dulhan KI

zindgi khatm ho jayegi humari

research karte karte risky chemicals KI

narak ke hum loverboy honge

ab kise parwah is duniya KI

wahin aana dost, hum batayenge

kya ahmiyat thi humare life mein UNKI

aksar log puchte hain,,,,,,,

muskaan

Muskurane ki wajah kya jane hum

hum to unki yaad ko taaza rakhte hain

kambakth ye hasi bhi aisy hai ki

unki judai mein bhi ro kar muskurati hai

nigaah

Meri nigahein tujhe is kadar doonda karti hain

jaise samundar mein chipa amrit ras ho tum

teri yaadein mujhe aise tadpaya karti hain

jaise afzal guru se bhi bade terrorist hain hum

Khwab

Aaj humne fir 1 paap kiya hai

gunaaho ke devta ne 1 kadam aage badaya hai

sochte the khawabon ki duniya se rahenge bekhabar

but kya kare jab khwab khud chal ke humare paas aaya hai

khayal

Kuch iss tarah tera khayal jal utha ki bas

jaise diya-salai jali ho andhere mein

ab phoonk bhi do, warna ye anguli jalayega

meri height

Zindgi bhar saath nibhane ki khayi thi kasam

ek din unki jheel si aankhen thi nam 

par main poch na saka unke aasuon ko

kyunki meri height thi thodi kam

mera pyar

Iss dil ko bas aapki muskaan yaad aati hai

aur humari labon ko udaas kar jati hai

koi jab puche pyaar humara kitna hai

jubaan khaosh aur humari aankhen bhar aati hai

nadaan

Ae nadaan meri aadat nahi kisi aashiq ki sayri chaapna

vishwas nahi hota to 1 bar mere dil mein jhaakna

ro padega tu mera pyaar dekh ke

fir bhi samjh na aaye to apna dilo-dimag kutto ko de aana

tukde

Unhone humare dil ke tukde karke is tarah sare-aam uchala tha

jaise sheeshe ka  ghar 1 pathar se chaknachur ho jata hai

mere nadaan dil ko us waqt kya malum tha

ye pyar se jeena dushwar ho jata hai

haseena

Aaj dil ke darwaje pe ek nayi haseena ne hai dastak diya

nadaan ko koi to batao humne apni saasein

1 bewafa ki dhadkano se hai jod liya

tadap

Sone ja raha hoon darling

sapno mein aake hume bechain na karna

agar itni chahat hai hume tadpane ki

toh  humare zanaze se pahle apni baarat bula lena

Nasha

Sharab ka nasha kya humpe chade

hum to arse se unke ishq mein madhosh hain

viswas na hota to aankhen dekh lo humari

ye sharab nahi unki yaadon mein Gamgeen hain

Clusters

Hum kyun jale bhala kisi ki tarraki se

kya humari tanhai kam hai unki khushaali se

Agar unke ishq mein is kadar hum kayal na hote

to khuda kasam  ladkiyon ki to barsat kar dete

 

mausam ki najakat to dekhiye

din mein bhi hume suhane sapne aate hain

4 din se soch raha aaj leb report khatm kar daalon

par kambhakt nighaon ko screen pe sirf aap hi nazar aate hain

jab bhi khata hoon chicken aati hai teri yaad

mess walon ko 2-4 gaali deta hoon ki paisa ho gaya barbaad

puch aakhir chicken se tera kya hai taalukaat

arey kambhakt sara SPICE  to idhar hai

kya khaak aayega chicken mein swaad

aye nadan-e-saksh humare dil ki awaj ka yoon majak na bana

kabhi baith humari tanhayion ke saath

tab samjhega pyaar humara  hai bepanaah

Unhe ye shikayat hai humse ki 

hum har ladki ko dekh ke muskurate hain

nasamjh hain wo, kya jane

hume to har chehre mein wo hi nazar aate hain

Apne dil ke raaston ko aise band na kijiye

kyunki usi ki raah se humare saasein  bhi guzarte

Na bhook lage na pyaas lage jane kaisa rog hai ye

hum to samudra ke lahron se khelne ka hosla rakhte hain

but pata nahi kaisa ajeeb ehsaas hai ye

Chaap diya kisi diljale ki sayri ko aapne

par pucha to hoga nai kya dard hai unke rooh mein

ithla kar duniya ko dikha diya aapne

sayri karne ka kitna jajbaat hai aap mein

Dil jala kar muskurate ho tum

apni aadat se kahan baaj aate ho tum

puch liya sara raaz humara

apni har baat kyun chupate ho tum